Agra Dargah Urs Hazrat Syedna Shah Ameer Abul Ula hazrul remo
Hello Friend My Name Is Hazrul Islam Welcome To My Blog hazrul remo
Hum Aapko Hamari Videos Ke Jariye Se Kuchh Na Kuchh Naya Dikhane Ki Koshish Karte Rahte Hain Aur Hum Aapko Hamari Videos Ke Jariye Se Bujurg Aane Din Allah Ke Waliyon Ki Mazar E Mubarak Ki Ziyarat Karvate Rahte Hain Doston Aaj Humne Aapko Is Video Ke Jariye Hazrat Syedna Shah Ameer Abul Ula Naqshbandi (R.A) Ki Dargah Sharif Ki Ziyarat Karaya Hain
History
Aap Ki Wilaadat 990 Hijri Mein Narela Delhi Mein Hui Aap Ke Waalid Ka Naam Hazrat Syed Ameer Abul Wafa Bin Syed Abdus Salaam (R.A) Hain Aap Ke Dada Mughal Badshah Akbar Ke Zamane Mein Samarqand Uzbekistan Se Hindustan Aaye Aur Fatehpur Sikri Mein Muqeem Hue
Aap Ke Bachpan Mein Hi Aap Ke Waalid Ka Wisaal Ho Gaya Is Ke Bad Aap Ke Nana Hazrat Khwaja Faizi (R.A) Ne Aap Ki Parwarish Ki Aap Ke Nana Vardhman Bengal Ke Governor The Un Ke Wisaal Ke Bad Badshah Akbar Ne Aap Ko Un Ki Jagah Par Nazim E Aala Governor Banaya Akbar Ke Bad Jahangir Badshah Bana Tab Us Ne Tamam Governor Ko Apne Darbar Mein Hazir Hone Ka Farman Bheja Aap Apni Marzi Na Hone Ke Bawajood Darbar Mein Gaye Aap Governor Ka Ohada Chhodna Chahte The Magar Jahangir Ne Israr Kiya Aur Aap Ko Apna Ohada Na Chhodne Ke Liye Mana Liya
Ek Bar Maula E Kainaat Hazrat Ali E Murtuza (R.A) Aap Ke Khwaab Mein Tashreef Laye Aur Ajmer Sharif Jakar Hazrat Khwaja Moinuddin Chishti (R.A) Ki Bargah Se Faiz Hasil Karne Ke Liye Farmaya Aap Apna Tamam Maal Garibo Mein Khairaat Karke Ajmer Sharif Ki Taraf Rawaana Hue Pehle Aap Ne Delhi Jakar Hazrat Khwaja Qutbuddin Bakhtiyar Kaki (R.A) Ke Mazar E Mubarak Par Aur Hazrat Khwaja Nizamuddin Auliya (R.A) Ke Mazar Sharif Par Hazir Hokar Faiz Hasil Kiya Phir Ajmer Sharif Pahunchkar Hazrat Khwaja Garib Nawaz (R.A) Ke Mazar Sharif Par Hazir Hue Hazrat Khwaja Garib Nawaz (R.A) Aap Ke Samne Hazir Hokar Aap Ko Faiz O Karam Ata Farmaya Ek Bar Aap Mazar Sharif Par Tashreef Farma The Ke Khwaja Garib nawaz (R.A) Aap Ko Tasbeeh Ke Dane Ke Barabar Ek Surkh Rang Ki Goli Ata Farmai Use Khate Aap Ka Qalb Roshan Ho Gaya Hazrat Khwaja Garib Nawaz (R.A) Ne Aap Ko Agra Akbarabad Waapas Jane Ki Taaqid Farmai Aur Aap Ke Chacha Hazrat Syed Abdullah Naqshbandi Ahrari (R.A) Se Baith Karne Ke Liye Aur Un Ki Sohbat Ikhtiyaat Karne Ke Liye Farmaya
Nikah
Aap Ka Nikah Aap Ke chacha Aur Peer Hazrat Syed Abdullah Naqshbandi Ahrari (R.A) Ki Sahabzadi Se Hua
Piro Murshid
Aap Hazrat Syed Abdullah Naqshbandi Ahrari (R.A) Ke Mureed Aur khalifa Hain Aap Se Tareeqat Ka Naqshbandi Abul Ulai Silsila Jari Hain
Aap Ke Khulfa
(1) Hazrat Syed Ameer Noor Ul Ula (R.A)
(2) Hazrat Meer Syed Muhammad (R.A) Kalpi
(3) Hazrat Syed Dost Muhammad Burhanpuri (R.A) Aurangabad
Wisaal Sharif
Aap Ka Wisaal 9 Safar 1061 Hijri Ko Hua Aap ka Mazar Sharif Agra Uttar Pradesh Mein Hain
Agra Dargah Sharif
Hazrat Syedna Shah Ameer Abul Ula Naqshbandi (R.A) Ki Dargah Sharif Mein Duniya Bhar Se Lakho Log Aate Hain Apni Hazri Apna Salam Pesh Karne Ke Liye
Agra Dargah Urs
Hazrat Syedna Shah Ameer Abul Ula Naqshbandi (R.A) Ki Dargah Sharif Ka Urs Islamic Chand Calendar Ki Tarikh Ke Hisab Se Manaya Jata Hain Hazrat Syedna Ameer Abul Ula Naqshbandi (R.A) Ki Dargah Sharif Ka Urs Safar Ke Mahine Mein Manaya Jata Hain Agra Dargah Urs Date 6 Se 10 Safar
Dargah Sharif Address
Hazrat Syedna Shah Ameer Abul Ula Naqshbandi (R.A) Ki Dargah Sharif Agra Uttar Pradesh India Mein Hain Aur Agra Fort Railway Station Se Lagbhag 5.1 Kilometer Dur Hain Aur Agra Cantt Railway Station Se Lagbhag 8.7 Kilometer Dur Hain Humne Aapko Hazrat Syedna Shah Ameer Abul Ula Naqshbandi (R.A) Ki Dargah Sharif Ka Google Map Ka Location De Diya Hai Aap Chahe To Google Map Ke Jariye Se Badi Aasani Se Hazrat Syedna Shah Ameer Abul Ula Naqshbandi (R.A) Ki Dargah Sharif Ki Ziyarat Ke Liye A Sakte Hain
Google Map Location
Ham Asha Karte Hain Ki Aapko Yah Hamari Jankari Pasand I Hogi Agar Aapko Hamari Yah Jankari Acchi Lagi Ho To Aap Apne Doston Family Aur Group Mein Share Jarur Karen Taki Unhen Bhi Yah Jankari Mil Sake
