Ziyarat

Hazrat Qazi Hamiduddin Nagori (R.A) Ki Dargah Sharif hazrul remo

Hazrat Qazi Hamiduddin Nagori (R.A) Ki Dargah Sharif hazrul remo

Hello Friend My Name Is Hazrul Islam Welcome To My Blog hazrul remo
Hum Aapko Hamari Videos Ke Jariye Se Kuchh Na Kuchh Naya Dikhane Ki Koshish Karte Rahte Hain Aur Hum Aapko Hamari Videos Ke Jariye Se  Bujurg Aane Din Allah Ke Waliyon Ki Mazar E Mubarak Ki Ziyarat Karvate Rahte Hain Doston Aaj Humne Aapko Is Video Ke Jariye
Hazrat Qazi Hamiduddin Nagori (R.A) Ki Dargah Sharif Ki Ziyarat Karaya Hain

Hazrat Qazi Hamiduddin Nagori (R.A) Ki Dargah Sharif

History

Aap Ki Wilaadat 463 Hijri Me Bukhara Me Hui Aap Ke Waalid Ka Naam Sultaan Ata Ullah Mahmood bin Shaikh Saeed Bukhari Aur Waalida Ka Naam Shehzaadi Bibi Hai Aap Hazrat Abu Bakr Siddeeq Radiy Allahu Anhu Ki Nasl Se Hain Aap Ke Waalid Ne Apni Jagah Par Takht Par Bithaaya Aap Ne Bakhubi Hukoomat Ka Kaam Anjaam Diya Apni Biwi Bibi Maahru Ke Intiqaal Ke Baad Aap Aksar Tanhai Me Ghaur O Fikr Me Mashgool Rehte

Ek Martaba Aap Shikaar Ke Liye Nikle Ek Hiran Par Teer Chalaaya Jab Hiran Ke Qareeb Gaye To Us Ne Aap Se Mukhaatib Hokar Kaha Aye ALLAH Ke Bande Mujh Be Gunaah Ko Kyun Maara Rabb Ta Ala Puchhega To Kya Jawaab Dega Jab Aap Mahle Me Waapas Aaye To Sab Kuchh Chhodkar Durweshi Ikhtiyaar Kar Li Aur Talaashe Haq Ke Liye Nikal Pade Aap Ke Waalid Bhi Aap Ke Humraah Hue

Bukhara Se Kirman Pahunche To Khwaja Abu Bakr Kirmani Ke Yaha Qayaam Kiya Aur Unki Saahabzaadi Bibi Humaira Se Aap Ka Nikaah Hua Phir Apne Pariwaar Ko Kirman Me Chhodkar Aap Murshid E Kaamil Ki Talaash Ke Liye Rawaana Hue

Aap Ne 12 Saal Tak Hazrat Khizr Alaihis Salaam Se Ta Aleem Haasil Ki
Phir Aap Hazrat Khizr Alaihis Salaam Ke Farmaan Par Baghdad Tashreef Le Gaye Aur Hazrat Shaikh Shahabuddin Umar Suharwardi (R.A) Ki Bargah Me Haazir Hue Hazrat Ne Ne Kuchh Guftagu Farmaane Ke Baad Aap Ka Haath Pakda Aur Farmaaya Ke 7 Martaba Surah Ikhlaas Padho Jaise Hi Aap Ne Surah Ikhlaas Padhi Aap Ki Nazro Se Saare Parde Uth Gaye Aur Arsh Se Lekar Farsh Tak Aap Ke Saamne Zaahir Ho Gai
Hazrat Ne Aap Ko Khilaafat Aur Huzoor Sallallahu Alaihi Wa Sallam Ka Jhubba Mubarak Ata Farmaaya

Phir Aap Hajj Baitullah Ke Liye Rawaana Hue Makka Mukarrama Me Qayaam Ke Baad Aap Madeena Munawwara Tashreef Laaye Aur 1 Saal Qayaam Pazeer Rahe Phir Madeena Se Makka Aakar Hajj Ada Kiya Aur 3 Saal Qayaam Pazeer Rahe Phir Makka Mukarrama Se Baghdad Tashreef Laaye Aur Peer O Murshid Ki Khidmat Me Haazir Hue

Phir Hazrat Ke Farmaan Par Aap Hindustan Ki Jaanib Rawaana Hue Raaste Me Kirman Se Apne Ahlo Ayaal Aur Waalide Mohtaram Ko Saath Lekar Peshawar Aaye Yaha Kuchh Arsa Qayaam Karne Ke Baad Apne Pariwaar Ko Peshawar Me Chhodkar 561 Hijri Me Aap Delhi Tashreef Laaye Waha Se Nagaur Tashreef Laaye Aur Ek Budhi Aurat Ke Yaha Qayaam Farmaaya Aur Logo Ko Ta Aleem Aur Faiz Ata Farmaate Rahe

Kuchh Arse Baad Phir Se Baghdad Tashreef Le Gaye Aur Phir Waha Se Peshawar Aaye Aur Apne Pariwaar Ko Humraah Lekar Delhi Tashreef Laaye Yaha Ek Dhobi Ka Makaan Khareedkar Us Me Sukoonat Pazeer Hue

Sultaan Shamsuddin Altamash Ne Aap Ko Nagaur Ke Qazi Banaaye 3 Saal Tak Aap Ne Qazi Ki Zimmedaari Ada Ki Phir Qazi Ka Ohada Chhodkar Nagaur Ke Qareeb Rohal Me Ibaadat Aur Riyazat Me Masroof Ho Gaye Phir Haramain shareefain Tashreef Le Gaye Aur Waapas Aakar Delhi Me Sukoonat Pazeer Hue

Wisaal Sharif

Aap ka Wisaal 9 Ramanzaan 643 Hijri Ko Taraaweeh Ada Karne Ke Baad Haalaate Sajda Me Hua Aap Ki Wasiyat Ke Mutaabiq Aap Ko Hazrat Khwaja Qutbuddin Bakhtiyar Kaki (R.A) Ke Mazaar Ke Qareeb Ahaate Me Dafn Kiya Gaya

Aap Ke Peero Murshid

Aap Hazrat Shaikh Shahabuddin Umar Suharwardi (R.A) Ke Mureed Aur Khalifa Hain

Hazrat Qazi Hamiduddin Nagori (R.A) Ki Dargah Sharif
Hazrat Qazi Hamiduddin Nagori (R.A) Ki Dargah Sharif

Urs Mubarak

Hazrat Qazi Hamiduddin Nagori (R.A) Ka Urs Mubarak Islamic Chand Ki Tarikh Ke Hisab Se Manaya Jata Hai Hazrat Qazi Hamiduddin Nagori Urs Date 9 Ramzan Mubarak

Dargah Address

Hazrat Qazi Hamiduddin Nagori (R.A) Ka Mazar Sharif Hazrat Khwaja Qutbuddin Bakhtiyar Kaki (R.A) Ki Dargah Mehrauli Sharif Delhi India Mein Hain Qazi Hamiduddin nagori (R.A) Ki Dargah Sharif Delhi Junction Railway Station Se Lagbhag 23 Kilometer Dur Hain Aur New Delhi Railway Station Se Lagbhag 16 Kilometer Dur Hain Hazrat Qazi Hamiduddin Nagori (R.A) Ki Dargah Sharif Humne Aapko Hazrat Qazi Hamiduddin Nagori (R.A) Ki Dargah Sharif Ka Google Map Ka Location De Diya Hai Aap Chahe To Google Map Ke Jariye Se Badi Aasani Se Hazrat Qazi Hamiduddin Nagori (R.A) Ki Mazar Sharif Ki Ziyarat Ke Liye A Sakte Hain

Google Map Location

Ham Asha Karte Hain Ki Aapko Yah Hamari Jankari Pasand I Hogi Agar Aapko Hamari Yah Jankari Acchi Lagi Ho To Aap Apne Doston Family Aur Group Mein Share Jarur Karen Taki Unhen Bhi Yah Jankari Mil Sake

Related Articles

Leave a Reply

Your email address will not be published. Required fields are marked *

Back to top button
Kichocha Sharif Dargah Hazrat Makhdoom Ashraf Jahangir Simnani (R.A) Kichocha Sharif Hazrat Syedna Shah Ameer Abul Ula Naqshbandi (R.A) Ki Dargah Sharif Agra hazrul remo Hazrat Maulana Abid Hussain (R.A) Ki Dargah Sharif Chandipur Malda Ajmer Sharif Urs Khwaja Garib Nawaz (R.A) Ki Dargah Sharif Ajmer Ajmer Sharif Ki 10 Mashhur Dargah ki Ziyarat Ziyarat of 10 most famous places of Ajmer Sharif